Manual rrëzimi

Johaness Kessler, një gazetar gjerman, rikthehet në Tiranë 34 vjet pas rrëzimit të statujës së diktatorit për të zbuluar “të vërtetën” – dhe për të kërkuar Martën. Ajo që gjen nuk është një përgjigje e vetme, por kujtime që nuk përputhen, dosje të paplota dhe hije të së shkuarës që refuzojnë të zhduken. A ishte rrëzimi një akt spontan apo një skenar i ndërtuar me kujdes?

Manual rrëzimi është një roman mbi një ngjarje reale – por që secili e kujton ndryshe. Duke ndërthurur fiksionin me dokumente autentike të kohës, Jonila Godole krijon një kaleidoskop letrar për dashurinë, fajin, harresën dhe kujtesën.