Faqja e fundit

Melsi, gazetar dhe shkrimtar shqiptar që jeton në Greqi prej njëzet vjetësh, kthehet me ngut në vendlindje, pasi merr vesh vdekjen enigmatike të të atit në Shangai. Për njëzet e pesë ditë ai përballet me burokracitë rraskapitëse të shtetit shqiptar për të sjellë trupin e pajetë të të atit në Tiranë. Në shtëpinë atërore, rrethuar nga orendi që i duken si fantazma të heshtura, Melsi nis të rrëmojë në kujtimet e fëmijërisë. Papritur, mes tyre ai gjen një fetore shënimesh, që e çon në një zbulim tronditës për të atin dhe familjen e tij.

Përmes personazheve që mbartin brenda tyre sekrete të dhembshme dhe tragjeditë e shekullit XX, Kapllani rindërton historinë e një familjeje që fsheh origjinën e saj. Ai rrëfen historitë e një babai dhe të birit, që iu mbijetojnë regjimeve mizore dhe një epoke të trazuar falë pasionit dhe dashurisë për librat dhe gjuhët.