Drita

DRITA, një dhuratë bujare e natyrës. I falemi, e ndjekim nga pas si të magjepsur, për ta njohur e për ta kuptuar.

DRITA, një krijesë tekanjoze e universit. Na befason pikërisht atëherë kur mendojmë se e kemi kuptuar. Mbetemi pa fjalë që grimcat binjake të dritës rrinë lidhur, edhe pasi ndahen. Sapo ngacmojmë njërën, tjetra reagon në çast, ndonëse qindra kilometra tutje.

Një satelit është hedhur për të zgjidhur enigmën. Në ethen e kërkimit, ndokush hamendëson se kjo lidhje e panjohur vepron edhe mbi ne. Kjo enigmë po ndërthur histori djemsh e vajzash qindra kilometra larg… dhe të një gruaje me emrin DRITA.

Një roman për Dritën