BAR SAHARA

Në këtë përmbledhje me tregime të shkurtra, subjekti ndërtohet sipas impresionit të ndjesisë, jo duke i qëndruar besnik narrativës. Detajet jepen jo në funksion të skalitjes së personazhit, por si veçori të fenomenit. Bashkëvendosja e këtyre detajeve, me ngjarje herë absurde e herë krejt banale, krijon një ngërç emocional, duke ngacmuar një këndvështrim ndryshe.

Stili i përdorur, që varion dukshëm nga tregimi në tregim, provokon pyetjen se ç’përqasje do të ishte e duhura për të trajtuar atë ndjesi apo atë tematikë. Megjithatë, pavarësisht ndryshimit të formave stilistike, të gjitha krijimet, qofshin reale a surreale, u qëndrojnë besnike perceptimeve dhe emocioneve njerëzore.