Albert Kamy

Albert Kamy u afirmua qysh me veprat e para si një nga penat më të fuqishme të shekullit XX. Ai ishte vetëm 27 vjeç kur u largua nga Algjeria për në Francë, si pasojë e mbylljes nga cenzura profashiste të gazetës që drejtonte në Algjer. Një mik i pati premtuar një punë tipografi në një gazetë pariziane dhe në këtë posy ai e filloi “karrierën” në Francë, në mars të vitit 1940. Në krye të dy vjetëve, shtëpia e madhe botuese pariziane Gallimard nxorri nga shtyi thuajse njëkohësisht, respektivisht në qershor dhe në tetor 1942, romanin e shkurtër I Huaji dhe esenë e gjatë Miti i Sizifit. Historia e letërsisë franceze kishte ndërruar faqe.