Alarmet e qytetit Sdikuisht

Është koha të rikthehemi në portat e qytetit fantastik të Sdikuishtit, për t’u takuar sërish me Kokëdruthin, Kokëtapën, Kokëfirifiun, Kokakomçin, Usta Ipaudhin e të tjera personazhe, që i përkasin një epoke, ku teknologjia ka ecur me hapa viganë. Por çfarë ndodhi me këto personazhe fantastike? U thelluan në rrugën e krimit, apo u kthyen në bankat e shkollës për të mësuar? Për të gjetur përgjigjet e këtyre pyetjeve, duhet të ndesheni më parë me ushtrinë e robotëve, të udhëtoni me vagonët e nëndheshëm e të zhyteni në thellësitë e oqeaneve me nëndetëse superteknolo- gjike, të vizitoni shpellën Moshyrbrenda e të njiheni me shumë e shumë aventura, që fshihen pas këtyre faqeve.